Etor zaitez dantzatzera! 🌀💥🎼💥🌀
Dantzaren inguruan bizilagunak elkartzeko gonbidapena , Sarburu Kultur Elkartearen eskutik, datozen bi ostiral arratsaldeetarako.
Indarra taldeko dantzarien eta auzoko musikaren laguntzaz, adin guztietarako moduko saioa.
Bazterretik begira gustura egongo zara… barruan are eta hobeto! 🥁💃🏻🕺🏻🕺🏻💃🏻🪗
Bertan elkar ikusiko dugulakoan…
Pandemia aurretik ere antolatu ohi genuen SALBURUAN KEINUA KIROLARI ekimena egin dugu maiatzaren 15ean. Auzoko umeei euskaraz bizitzeko, sozializatzeko eta ongi pasatzeko guneak sortzeko helburuarekin, eta kirolaren arloan euskara bultzatzeko ideiaren garrantzia gizarteratzeko, gizarte etxeko kirol teknikariekin elkarlanean KIROL DESBERDINEN ZIRKUITOA antolatu dugu: badmintona (eskerrik asko, Helena!), futbola, hockeya eta bolleya egiteko aukera izan dute bertaratu diren 30 umeek.
Bukatzeko, eta jada gizarte etxeko kanpoko aldean, zunba Saioa ere egin dugu Olatzekin. Gurasoak ere gonbidatu ditugu ekintza horretara…
Ayman, Aiur, Olatz edota Liberen irribarrea ikustea nahikoa izan da buruan geneukan ideian berresteko: zeinen garrantzitsua da eskoletatik kanpoko eremu ez formaletan euskarari lekua irekitzea! Auzoko etxe batzuetan edota eskoletan irakasleen ahotan ez ezik, plazan ere nahi dugu gure hizkuntza!
Argazkiak: talde argazkia, zunba jendea atzetik eta kamiseten postua, kirola egiten taldetxoa.
Aurten, COVID egoerak baldintzaturik, hilabete “arraro” batean, baina sagardotegiko planari eustea erabaki dugu. Horretarako, Zabalganako euskara taldekoekin elkartu eta Kuartangoko sagardotegira joan gara, elkarrekin bigarrenez (pandemia aurretik Askartzara joan ginen).
Taldetxo bat Langraiztik oinez eta gainerakoak busean joan-etorrian, sagardotegiko plan ederrean ibili ginen, kupel bateko zein besteko sagardoa dastatzen, ondoko mahaietako jendearekin hitz eta pitz, batzuetan dantzan eta beste (gutxi) batzuetan kantuan… euskaraz giro ederrean.
Datorren urtean (otsailean) berriro… Gasteizko auzoren bateko euskara taldearekin? Hala bedi!
Ezin ukatu bere arrakastatxoa duela EGUNEAN BEHIN jolasak… laurogeita bost bizilagunek parte hartu dute 9. denboraldian. auzoko taldean (denboraldi bakoitzean partaide berriak gehitzen ari dira!). Aurreko denboraldian egin bezalaxe, SALBURUAN lehen bi sailkatuei eta zozketa bidez ateratako beste biri BLACK MOON tabernan gastatzeko erosketa bonoa oparitu diegu.
Zorionak saridunei… eta irailera arte beste guztiei!
Helburu bikoitza du gure kanpainak (bigarren olatua martxan!): bizilagunak gertuko dendetan erostearen garrantziaz jabetzea, alde batetik; taberna, denda zein bestelako zerbitzuetan euskarari merezi duen trataera ematearen garrantzia nabarmentzea, bestetik.
Horretarako, auzoko hainbat merkatarirekin elkarlanean, bideotxo hau grabatu genuen. Gainera, triptiko bidez paisaia linguistikoa eraldatzeko laguntza eskaini diegu Salburuko merkatari, tabernari zein bestelako negozioei.
“Auzoan bizi, auzoan erosi!”, euskaraz bizi nahi dugulako… jabetu gaitezen merkataritzan ere euskara erabiltzearen garrantziaz!
TIPI TAPA BADATOR KORRIKA!!
🏃♀️🏃♂️🏃🏃♀️
Giroa berotzen jarraitzeko… 👇
📆Bihar, Martxoak 25
📌Koxka tabernatik
🕖20:00etan
🎵🎶🥁Triki-poteoa 🎵🎶🥁
Animatu zaitez!
zure Korrikako petoa ekarri!
KORRIKA BADATOR!
🏃🏻♀️🏃🏻♂️🏃🏻♀️🏃🏻♂️🏃🏻♀️🏃🏻♂️
Gutxi barru, Euskal Herriko herri, auzo eta hiriak zeharkatuko ditu lasterketa euskaltzaleak. Apirilaren 1ean (ostirala) pasako da Gasteiztik eta motorrak berotzeko, egitaraua prestatu du auzoko Korrika Batzordeak.
Hurrengo ekintza igandean izango da, auzoan barrena bizikleta txangoa 🚗🚲🌳🏬🚲🚲 eta jaialditxoa Ekialdeko parkean.🎼🥖🧀🎭🎼
Parte hartzera animatzen zaituztegu!
ZER NOLAKO AUZOAN BIZI NAHI DUGU?
Garrantzitsua al da gertuko denda🍞🥬🥩🥖👕, taberna ☕🍻🥐eta zerbitzuak (ileapaindegiak, fisioak…💇🏻♂️) izatea SALBURUAN ? Eta kontuan hartzen al dugu euskara gune horietan?
“Auzoan bizi, auzoan erosi” ideia indartzeko eta saltegietan euskara bultzatzeko ekimena du abian Sarburu Kultur Elkarteak. Hona hemen informazioa.
Lagundu interesa eduki lezaketenen artean zabaltzen!
🌟✨🏬🚲🌳
¿QUÉ TIPO DE BARRIO QUEREMOS PARA VIVIR?
¿Nos parece importante tener en SALBURUA tiendas🍞🥬🥦🥩🥖, bares☕🍻🥐, servicios como peluquerías 💇🏻♂️, centros de fisioterapia… etc.? y ¿solemos tener en cuenta el euskera en nuestro comercio local? Para fomentar la idea de vivir y comprar en el barrio, y para darle un empujon al euskera en el comercio local, SARBURU KULTUR ELKARTEA pone de nuevo en marcha la campaña Elkarrekin errazagoa da .
¡Ayudanos a difundir el mensaje entre quienes puedan tener interés!
🌟✨🏬🚲🌳
Blogera argazkirik igo ez badugu ere (sare sozialetan daudelako ikusgai), abenduan Euskararen Nazioarteko Eguna ospatu genuen, gizarte etxe atarian kandelen mosaikoa berreskuratuz eta familientzako ikuskizuna eskainiz.
Eta poliki-poliki… kalea berreskuratzen joan gara, kalean elkartuz, elkarrekin ospatuz, begietara begiratuz eta taldean abestuz.
Auzo Elkartearen ekimenez, Mari Domingi eta Olentzeroren kalejira egin genuen abenduaren 23an. Trikitilari eta txistularien laguntzaz, bi pertsonaia maitatuen alboan egin genuen kalejira eta amaieran, Ekialdeko Parkean, gazta pintxoa eta gaztainak banatu eta Gabon Kantak abestu genituen.
Otsailaren 4an, Guraso Elkarteen, Kale Hezitzaileen, Auzo Elkartearen eta Sarburu Kultur Elkartearen artean, AMALURRA ESNATU! antolatu genuen. Berriro ere kalean, makil kolpeekin oraingoan, amalurra esnatzeko eta neguari “gero arte!” esateko OLES OLES eta ZORION abestiak kantatu genituen. Nabaria zen, oraindik ere pandemiaren eraginpean egon arren, jendeak kalean elkartzeko beharra zuela eta, Maddi Agirre eta Gorka Pagonabarraga bertsolariekin kopla kantuan ibili ginen.
Eta aurreko asteburuan… AUZOKO INAUTERIAK martxan jarri genituen! Horretarako, Alaitz Andreuri ipuin bat sortzeko eskatu genion: Marmitx eta Armitxoen istorioa. Gurasoei audioa watsapez bidali… eta larunbata goizean AKELARRE txarangaren laguntzaz kalejira egin genuen auzoko kaleetan barrena (tranbiaren obrak saihesteko nahikoa lan!). Ekialdeko parkean batuta, su bat egin genuen neguan izan ditugun zorigaitz eta jasan ditugun bidegabekeria guztiak bertan erretzeko. Lantzeko Zortzikoa dantzatuz agurtu genuen Marmitx hurrengo urtera arte. Nahi zuenarentzat, bertan auzo bazkaria, karaokea eta PhotoCalla ere jarri genituen.
Auzoko eragile desberdinen artean bizilagunen arteko sarea ehuntzea, kaleak eta bizipoza berreskuratzea eta jaietan ere euskarari merezi duen lekua egitea izan dira gure helburuak. Mila esker ekintzak antolatu dituzuenoi, nola edo hala zuen laguntza eskaini duzuenoi, ekintzetan parte hartu duzuenoi…
Gero arte negua! Ongi etorri udaberria!
Auzoko kaleak eta plazak ez ditugu hutsik nahi eta euskara ez dugu
eskoletako hormen artean giltzapeturik nahi. Horregatik, Errekabarri,
Salburua eta Arantzabelako IGEak eta Sarburu Kultur Elkartea baturik,
urriko ostiral arratsaldeetarako SALBURUAN EUSKARA PLAZARA! antolatu
dugu.
Auzoko hiru eremu desberdinetan hiru ekintza desberdin eskaini ditugu,
umeak eta gurasoak elkartzeko: Zilipurdi zirko elkartekoen malabareak,
Egoitzen grafitiak eta GEUko jolasak.
Egitaraua bururatzeko, azken ostiralean (azaroaren 12an) hiru eskoletako
gurasoak (eta kalean zebilen hainbat bizilagun!) Ekialdeko parkean elkartu
gara. Gutxinaka-gutxinaka-koek umeentzako esperimentazio gune bat
sortu zuten, Talde-Gunekoek musika tailerrak eta Ameztukoek globoflexia
tailerra. Bukatzeko, Indarra dantza taldeko musikari eta dantzari baten
laguntzaz, dantza-plaza egiteko aukera izan dugu.
Jarrai dezagun elkalanean eta jarrai dezagun auzoko kale eta plazak jendez
eta euskaraz betetzen!
