8 URTEZ AUZOAN EUSKARAREN ALDEKO GURE ALEA JARTZEN!

Gaurko egunez egin omen genuen SARBURU KULTUR ELKARTEA ren lehen bilera…
Aitzakia baliatuta, urte horietako tarteren batean Sarburun parte hartu dugunotako batzuk (denak, zoritxarrez, ezin!) elkartu gara argazkia egin, kontu zaharrak berritu eta egitasmo berriez hitz egiteko.

Auzoko beste elkarteekin elkarlanean, euskararentzat eta hiztunontzat aukera berriak sortzeko egiten dugu lan.

Elkartean parte hartu nahi al duzu? Jar zaitez gurekin harremanetan!

Bien bitartean… auzoan ikusiko dugu elkar!

Salburuko Euskaraldia Batzordea Diario de Noticias de Alava-n

Salburuko Euskaraldia Batzordeak bultzatuta, horma-irudi berri bat morgotu da Salburua auzoan. Aurtengo Euskaraldiari bultzakada bat emateko asmoz, izan ere, pandemia dela eta, euskara etxeetan gelditu da eta gure hizkuntza lau haizeetara zabaldu nahiko genuke.

Pandemiak ez ditzan ahulenak kaltetu” leloarekin, isladatu izan nahi dugu ideia hori.

Albistea irakurtzeko sakatu ondorengo estekan.

EUSKARALDIA Salburuan 2020

Gehiago, gehiagorekin, gehiagotan

Ez ohiko urtea izaten ari da eta, zalantza izpirik gabe, iraila ere ez ohiko moduan hasi dugu Salburua auzoko bizilagunok. COVID19ak eragindako krisiaren ondorioz, hainbat kezka eta buruhauste ditugu egunotan: birusari aurre egiteko neurriak, agerraldien ondorioz ezar litezkeen konfinamenduak, ikastetxeen irekiera gora-beheratsua, lana eta familia kontziliatzeko zailtasunak, lantokietako, auzoko dendetako eta negozio txikietako ziurgabetasuna… eta zerrenda nahi adina luza genezake.

Zorionez, han-hemenka pandemiari elkarrekin aurre egiteko ekimenak ezagutzen ari gara eta ez dira gutxi krisiak gogorren kolpatu dituen sektoreak laguntzeko proposamenak eta eguneroko arazoei konponbidea bilatzeko saiakerak.

Euskara ere are posizio ahulagoan kokatu dute COVID19ak eta haren kudeaketak. Eta, zorionez, alor honetan ere gizartearen aldetik arazoari aurre egiteko gogoa nabari da. Testuinguru horretan dator azaroaren 20tik abenduaren 4ra egingo den EUSKARALDIAren edizio berria. Oraingo honetan, Belarriprest eta Ahobizi rolak berreskuratzeaz gain, entitateek ariguneak aktibatzeko aukera izango dute.

Aurreko edizioan oihartzun zabala izan zuen EUSKARALDIAK Salburuko bizilagunen artean eta oraingoan ere, GEHIAGO, GEHIAGOREKIN eta GEHIAGOTAN, ziur makina bat bizilagun izango direla BELARRIPREST eta AHOBIZI roletan eta ARIGUNE desberdinetan parte hartuko dutenak.

Auzoko elkarte ugariren artean grabaturiko bideoa helarazten dizuegu (irudi asko uztailean grabaturik daude); EUSKARALDIA SALBURUAN, LASTER HASTERA DOA, ETA ZU PREST AL ZAUDE?

www.euskaraldia.eus

SORMEN LEHIAKETAKO IRABAZLEAK

Kosta zaigu erabakitzea… baina baditugu SORMEN LEHIAKETAKO irabazleak!
⚡💡🔆📣🗯️

Egoera berezia kontuan hartuta, lau sari ematea adostu dugu, honako lan hauei:
1- SORGINOK
2- GU ETXEAN GERATZEN GARA!
3- JOLAS BIRZIKLATUAK
4- ELMER
Ohikoa den bezala, saria auzoko dendetan erosteko bonoak dira, euskara aintzat hartzen duten saltokietan erosteko, hain zuzen ere: ArtePan 🥖🍞
Arruti Harategia🥩🥓 ,
Humedal Informatika🖱️🖥️
Aritz de la Presa Farmazia💈💊 .

Mila-mila esker zuen sorkuntzak aurkeztu dituzuen guztiei! Etxealdiko ordu luzeak arindu dizkiguzue!

Ta segi dezagun euskara ta sormena ureztatzen… baita etxeko habian ere!

SORMEN LEHIAKETA (azkena eta agurra)

Azkenean, auzoko txikienek aukera dute egunean ordubetez kalera ateratzeko…
Eta sormen-lehiaketako azken lana aurkeztuko dizuegu; Jaionek David MacKeeren “Elmer” ipuina modu berezian prestatu du semeei kontatzeko… eta gu ere liluraturik utzi gaitu!
Saridunak erabakitzea, ez da lan makala!
Mila esker parte hartzaile guztiei!

Egilea: Jaione

SORMEN LEHIAKETA VII

Guraso eta seme-alabak jolasean.
Etxean goxo, libre.
Jostailu berriak erosi? Egin ditzagun gureak! Asmatu, irudikatu, egin, birziklatu ta elkarrekin jolastu.
Unax, Udane eta etxeko bi ttikienak, aita eta amaren abaroan. Zoragarri!

Egileak: Unax, Udane eta etxeko bi ttikienak

SORMEN LEHIAKETA VI

Sormen lanak batzuetan izpi bat dira, ilusio bat, distira bat. Maitasun keinu bat edo mezu xalo bat. Hortik doa Intzak eta Soniak aurkeztutako sorkuntza…

Egileak: Intza eta Sonia