Hilabetea: azaroa 2019

Iepa, auzoko kirolari hori!
🏀💥🧗‍♀💥🤺💥⚾💥⚽

Kirolaren arloan euskarari bultzada emateko gogoz?
Garrantzitsua iruditzen al zaizu euskara, ikasteko eta lanerako ez ezik, gure aisialdirako hizkuntza izatea?
Horren inguruko sentsibilizazio kanpaina izan da SALBURUAN KEINUA KIROLARI ekimena eta, zuen laguntzarekin, mezua auzoko bizilagun askorengana iristen ari dela uste dugu.
👏👨‍👧‍👧👨‍👧👨‍👩‍👧‍👦👨‍👧‍👦👬🤹‍♀👨‍👩‍👧👏

Azken txanparako prest?
Abenduaren 1ean , urteroko kandelen mosaikoan, bizilagunen argazkia atera ohi dugu. Aurten KIROLARIEK PROTAGONISMO BEREZIA izatea gustatuko litzaiguke. Nola? Ekarri argazkirako zure kirola islatzen duen edozein objektu: kamiseta, katu-oinak, ezpata, kaskoa, baloia edota txirrindula…
Aurtengo argazkiak bi protagonista izango ditu: euskara eta auzoko kirolariak .
Animatuko zarete, ezta? Zuen zain gaituzue!

www.sarburu.eus

@sarburuKE

facebook.com/sarburu

2019ko azaroan, Sarburu Kultur Elkartea

SALBURUAN KEINUA KIROLARI ekimenaren barruan, larunbata goizean jende-talde polita elkartu ginen auzoko trinketean. Helduek pilotaren modalitate desberdinak probatzen zituzten bitartean (lehenengo aldia izateko… a ze maila!), txikitxoenek esku-pilota bana egin zuten (hauek dena egiten dute zoragarri!).

Oso giro atseginean, kiroltasunez ta auzoko bizilagunen artean… ekimenaren helburuetako bat behintzat aisa bete genuela esan dezakegu; kirolaren arloan euskarari bultzada emateko asteari merezitako “bukaera” ematea.

Astearen “bukaera” eta euskararen eta kirolaren arteko elkarlan baten “hasiera” esan beharko genuke? Hala bedi!

💥⚾️💥🤺💥🏃‍♂️💥⛹️‍♀️💥🧗‍♂️💥⚽️

Laster auzoko kirol-taldeen argazki-mosaikoa ikusgai.

Eta hurrengo hitzordua noizko? Gorde ezazue abenduaren 1eko arratsaldea auzoan euskal giroan elkartzeko.

Bien bitartean… Auzoan ikusiko dugu elkar!

Hori delako mahai gainean jarri nahi izan dugu eremua: hain errotuta ditugun ohitura horiek aldatu eta… zergatik ez kirolean euskarari bultzada bat eman?

Zergatik ez erabili euskara gure taldeko entrenoetan? Zergatik ez bultzatu euskara gure seme-alaben kirol saioetan? Euskara, ikasteko eta lanerako ez ezik, gure aisialdian erabiltzeko ere badela erakuts dezagun!

Azaroaren 11tik aurrera, SALBURUAN KEINUA KIROLARI!